Neitar að tjá sig um upplýsingalekann
Urður Egilsdóttir
Setja bókamerki
Viðar Þorsteinsson, fræðslu- og félagsmálastjóri Eflingar, segist ekki ætla að tjá sig um ásökun Vilhjálms Birgissonar, formanns Starfsgreinasambandsins (SGS), þess efnis að Viðar hafi lekið upplýsingum um kjarasamning SGS í fjölmiðla.
Í Kastljósi í gærkvöldi sagði Vilhjálmur að hann hefði rætt við Viðar kvöldið fyrir undirritun kjarasamninga og gert honum grein fyrir því að viðræður væru langt komnar.
Honum hefði því vitaskuld brugðið daginn eftir þegar hann las um allt það sem þeim fór á milli í tveimur fjölmiðlum.
Benti á að Sólveig þrætti ekki fyrir ásökunina
Er mbl.is náði tali af Vilhjálmi eftir Kastljós benti hann á að Sólveig Anna Jónsdóttir, formaður Eflingar, þrætti ekki fyrir þessa ásökun hans en hún mætti honum í þættinum.
„Ég hef ekki áhuga á að tjá mig um þetta mál,“ segir Viðar í samtali við mbl.is.
Hann vildi heldur ekki tjá sig um kjaraviðræður Eflingar við Samtök atvinnulífsins og vísaði til þess að hann væri ekki talsmaður samninganefndar stéttarfélagsins.
Færa slökkviliðið til nútímans
Almannavarnir auka viðbúnað
Sárt að horfa upp á illa meðferð fjármuna
Hæstiréttur staðfestir vanhæfi alls Landsréttar
Segjast ekki vera á kaldri slóð
Aðkoman í gripahúsið mjög slæm