Slökkviliðið var kallað út í nótt eftir að brunavarnakerfi fór í gang í iðnaðarhverfi í Kópavogi. Svartan reyk lagði frá byggingunni en enginn eldur virtist vera í húsnæðinu þegar komið var á vettvang.
Samkvæmt upplýsingum frá aðstoðarvarðstjóra hjá slökkviliðinu á höfuðborgarsvæðinu kom reykurinn frá ofni í húsnæðinu en deig hafði verið skilið þar eftir inni.
Tók það slökkviliðið um klukkutíma að reykræsta bygginguna og endurræsa kerfið en lítið tjón virðist hafa orðið.