Einn var handtekinn þegar að lögreglan stöðvaði kannabisræktun í Mosfellsbæ. Einstaklingurinn sem grunaður var um ræktunina var látinn laus að lokinni skýrslutöku.
Þetta kemur fram í dagbók lögreglunnar á höfuðborgarsvæðinu þar sem farið er yfir helstu tíðindi embættisins frá því klukkan 18 í gær og 5 í morgun.
Að minnsta kosti sex ökumenn voru stöðvaðir í gær, grunaðir um akstur undir áhrifum áfengis eða fíkniefna. Þrír reyndust án ökuréttinda vegna fyrri afskipta lögreglu.
Á veitingastað í hverfi 104 þurfti að kalla eftir aðstoð lögreglu vegna ofurölvi einstaklings. Honum var vísað út.
Þá var einn einstaklingur handtekinn í Árbænum í annarlegu ástandi. Verður hann í fangaklefa þar til hægt verður að ræða við hann.