Kvikmyndasjóður fái 250 milljóna viðbótaframlag

Sara Nassim, Valdimar Jóhannsson og Hrönn Kristinsdottir eftir að kvikmyndin …
Sara Nassim, Valdimar Jóhannsson og Hrönn Kristinsdottir eftir að kvikmyndin Dýrið fékk Kvikmyndaverðlaun Norðurlandaráðs. Ein milljón var veitt úr Kvikmyndasjóði til handritsskrifa fyrir myndina. AFP/Antti Aimo-Koivisto

Áætlað er að veita Kvikmyndasjóði 250 milljóna viðbótaframlag fyrir árið 2023, að því er fram kemur í tilkynningu frá menningar- og viðskiptaráðuneytinu. 

Þar segir að við 2. umræðu fjárlagafrumvarps megi vænta þess að lagt verði til að 100 milljónir króna verði lagðar til Kvikmyndasjóðs auk þess sem menningar- og viðskiptaráðuneytið muni leggja fram 150 milljón króna viðbótarframlag.

Gangi það eftir muni Kvikmyndasjóður því fá 1328,9 milljónir króna á árinu 2023 til að standa undir fjármögnun verkefna sem þegar hafa hlotið vilyrði eða sjóðurinn er skuldbundinn með samningi.

„Viðbótarframlagið á næsta ári kemur til móts við Kvikmyndasjóð vegna breytinga á fjármálaáætlun sumarið 2022. Samkvæmt áætluninni [...] féll tímabundið fjárfestingarátak vegna heimsfaraldursins sem sjóðurinn átti að fá árið 2023 niður, eða ári fyrr en gert var ráð fyrir,“ segir í tilkynningunni.

mbl.is
Fleira áhugavert
Fleira áhugavert