Aftur hefur verið krafist gæsluvarðhaldsúrskurðar yfir tveimur mönnum sem ákærðir eru í hryðjuverkamálinu. Það gerði héraðssaksóknari síðdegis í dag.

Dómari hefur tekið sér frest til morguns til þess að kveða upp úrskurð í málinu að því er Sveinn Andri Sveinsson lögmaður mannanna staðfestir í samtali við mbl.is. Rúv greindi fyrst frá.

Krafist varðhalds vegna almannahagsmuna

Nú er varðhaldskrafan byggð á annarri lagagrein sakamálalaga, 2. mgr. 95. gr., sem hljóðar svo:

Einnig má úrskurða sakborning í gæsluvarðhald þótt skilyrði a–d-liðar 1. mgr. séu ekki fyrir hendi ef sterkur grunur leikur á að hann hafi framið afbrot sem að lögum getur varðað 10 ára fangelsi, enda sé brotið þess eðlis að ætla megi varðhald nauðsynlegt með tilliti til almannahagsmuna.

Mönnunum var sleppt úr haldi síðasta þriðjudag eftir að Landsréttur felldi úr gildi úrskurð héraðsdóms en þá krafðist lögregla varðhaldsins á þeim grundvelli að mennirnir væru hættulegir.

Frétt af mbl.is

Töluðu um að verða „meðlimir í drápssveit“

Tengdar fréttir

Ákært fyrir hryðjuverk

Hryðjuverkamálinu áfrýjað til Landsréttar

• Ekki búið að áfrýja málinu: Vika til stefnu
• „Þetta var ekkert grín“
• Hryðjuverkalöggjöfin geti verið endurskoðuð
• Ríkið greiðir bróðurpart málsvarnarkostnaðar Sindra og Ísidórs

» Fleiri tengdar fréttir

• Blogga um frétt