„Þetta eru svakaleg vonbrigði,“ segir Þórður Már Jóns­son, verj­andi sak­born­ings­ins Árn­mars Jó­hann­es­ar Guðmunds­son­ar í skotárás­ar­mál­inu frá því í fyrra­sum­ar á Eg­ils­stöðum, í samtali við mbl.is. Hann telur líklegt að dóminum verði áfrýjað.

Frétt af mbl.is

Átta ára dómur í skotmáli á Egilsstöðum staðfestur

Landsréttur staðfesti í dag átta ára dóm yfir Árnmari og hækkaði miskabætur sem hann skal greiða sonum fyrrverandi sambýliskonu sinnar upp í eina og hálfa milljón hvor, en þeir voru í húsinu sem Árnmar hleypti af skotum. 

„Það liggur fyrir að hann er dæmdur út frá því að það sé trúverðugt það sem lögreglumaðurinn segir, að hann [Árnmar] hafi beinlínis miðað á hann,“ segir Þórður með fyrirvara um lestur á dómi Landsréttar, en blaðamaður náði tali á honum strax eftir dómsuppsöguna. 

Ótrúlegt að framburðurinn sé talinn trúverðugur

Þórður telur að Árn­mar og lög­regl­an hafi skotið af byss­um sín­um á ná­kvæm­lega sömu sek­únd­unni og að Árn­mar hafi skotið þrem­ur skot­um meðan lög­reglumaður­inn hafi skotið ell­efu skot­um á fjór­um sek­únd­um.

Frétt af mbl.is

Játaði brot sín að hluta í skotárásarmáli

Þórður segir það vera ótrúlegt að framburður lögreglumannsins sé talinn vera trúverðugur. Hann segir að lögreglumaðurinn hafi verið uppvís að ósannindum er varðar röð atvika. 

Þórður segir það því vera skrýtið að þetta atvik sé talið trúvænlegt, „þrátt fyrir öll hin atriðin“.

„Það er eiginlega fjarstæðukennt að þetta geti hafa verið með þeim hætti sem hann [lögreglumaðurinn] heldur fram. Mér finnst þetta vera alveg hroðalegur dómur.“

Ekki farið eftir reglunum

Munu þið áfrýja dóminum?

„Mér finnst ekki líkur á öðru en að það verði reynt,“ segir Þórður og bætir við að hann eigi eftir að ræða við skjólstæðing sinn. 

„Hann auðvitað verður alveg sjokkeraður yfir þessu. Mér finnst eitthvað ekki verið að fara eftir reglunum um það að menn skuli njóta vafans. Það eru atvik sem eru alveg klárlega og augljóslega vafaatriði. Það er alveg miklu meira en skynsamlegur vafi en einhvernvegin þá er þetta túlkað svona. Þetta eru vonbrigði, gífurleg,“ segir Þórður að lokum. 

Tengdar fréttir

Vopnaður maður skotinn af lögreglu á Egilsstöðum

Hafna áfrýjunarbeiðni skotárásarmanns

• Átta ára dómur í skotmáli á Egilsstöðum staðfestur
• Óyggjandi sannanir sýna aðra atburðarás
• Fær átta ára fangelsi fyrir skotárás á Egilsstöðum
• Játaði brot sín að hluta í skotárásarmáli

» Fleiri tengdar fréttir

• Blogga um frétt