Strætó gengur þrátt fyrir vont færi

Jóhannes Svavar Rúnarsson, framkvæmdastjóri Strætó bs., segir flestar leiðir ganga samkvæmt áætlun þrátt fyrir þungt færi á vegum höfuðborgarsvæðisins. 

„Þetta hefur gengið þokkalega. Það hefur verið aðeins um tafir og við hvetjum fólk til að fylgjast með rauntímakortum,“ segir hann í samtali við mbl.is. 

Tveir vagnar lentu í vandræðum

Allar leiðir fóru af stað á réttum tíma í morgun, en tveir vagnar lentu í vandræðum. „Það er verið að vinna í því,“ segir Jóhannes. „Aðrar leiðir ganga þokkalega.“

Leiðir Strætó bs. á landsbyggðina ganga ekki enda Hellisheiðin lokuð. 

Frétt af mbl.is

Mikið um umferðaróhöpp eftir að byrjaði að snjóa

Frétt af mbl.is

Hellisheiði og Þrengsli lokað vegna veðurs

Jóhannes segir að ekki séu aðrar ráðstafanir gerðar af hálfu Strætó en að stóla á að sveitarfélög séu búin að ryðja vegi. „Strætóleiðir eru í forgangi svo að okkur sýnist þetta hafa gengið vel hingað til“.

• Blogga um frétt