Bæjarstjórinn á Seltjarnarnesi býður alla velkomna að skella sér í sund í sundlauginni á Seltjarnarnesi sem verður opin í dag ólíkt öðrum laugum á höfuðborgarsvæðinu.

Í tilkynningu frá Veitum fyrr í dag kom fram að vegna bilunar í Hellisheiðarvirkjun væri engin framleiðsla á heitu vatni í virkjuninni sem stendur. Heildarframleiðslugeta á heitu vatni fyrir hitaveitu höfuðborgarsvæðisins er því skert um að minnsta kosti 20%. Ákvörðun var því tekin um að loka öllum sundlaugum á höfuðborgarsvæðinu.

Frétt af mbl.is

Loka sundlaugum vegna bilunar

„Sundlaug Seltjarnarness er með sér hitaveitu, Hitaveitu Seltjarnaness. Þannig að við erum svo heppin að ég er tiltölulega nýkominn úr heita pottinum. Við erum alveg með nóg af vatni núna,“ segir Þór Sigurgeirsson bæjarstjóri í samtali við mbl.is þar sem hann áréttar að ekki sé búið að loka öllum sundlaugum á höfuðborgarsvæðinu.

„Það eru allir velkomnir. Við tökum fagnandi á móti fólki í jólabaðið á Nesinu.“

Tengdar fréttir

Frost á Fróni

Kaldasti vetur aldarinnar

• Viðvaranir gætu verið í gildi fram á miðvikudag
• Snjólögin veik um þessar mundir
• Snjóflóð fallið og varað við frekari hættu
• Óvenju löng kuldatíð í Skagafirði

» Fleiri tengdar fréttir

• Blogga um frétt