Aðstoðar innflytjendur í fjárhagsvanda um jólin

Frumkvöðullinn Haraldur Þorleifsson hefur rétt út hjálparhönd til innflytjenda á Íslandi sem eru að glíma við fjárhagsörðugleika um jólin. Í tísti sem birtist fyrir skömmu heitir hann því að millifæra 20 þúsund krónur inn á reikning 50 einstaklinga.

Þá hvetur hann sömuleiðis aðra, sem hafa áhuga á að hjálpa við þetta framtak, að hafa samband við sig.

Frétt af mbl.is

„Við erum öll þátttakendur í samfélaginu“

„Ef þú ert innflytjandi á Íslandi og þarf á fjárhagsaðstoð að halda yfir jólin sendu mér þá reikningsnúmerið þitt og kennitölu á h@ueno.co,“ segir í tísti Haralds.

„Hver og einn mun fá 20 þúsund íslenskar krónur en ég mun einungis geta hjálpað 50 manns svo ef einhver annar vill aðstoða þá má hann vinsamlegast láta mig vita.“

• Blogga um frétt