Almenningur þarf að finna fyrir öryggi
Setja bókamerki
„Þetta kom mér verulega á óvart,“ segir Steinunn Þóra Árnadóttir, þingmaður Vinstri hreyfingarinnar – græns framboðs, um ákvörðun dómsmálaráðherra, Jón Gunnarsson, um að heimila lögreglu að hefja undirbúning að því að taka í notkun rafvarnarvopn.
Að sögn Steinunnar Þóru kom það henni á óvart að dómsmálaráðherra hafi tilkynnt slíka breytingu á reglugerð án umræðu eða samráðs við t.a.m. Alþingi þegar það liggur fyrir að taka málefni lögreglunnar til umfjöllunar.
„Þetta er mál sem ætti að fá dýpri eða meiri umfjöllun, m.a. á vettvangi þingsins,“ segir hún í samtali við mbl.is.
Mörgum spurningum ósvarað
Steinunn Þóra segir að mörgum spurningum sé enn ósvarað hvað varðar fyrirhugaða notkun lögreglunnar á rafbyssum.
„Mörgum spurningum er ekki svarað, t.a.m. eiga rafbyssur að vera partur af daglegum búnaði lögreglunnar. Mér finnst það líka skrítið því að það liggur nú þegar fyrir frumvarp til breytingar á lögreglulögum á Alþingi.
Þannig mér finnst miklu eðlilegra í staðinn fyrir að ráðherra leggi til reglugerðarbreytingu sisvona að það sé rætt þar, á Alþingi, í samhengi við frumvarpið.“
Ýmsar leiðir til að auka öryggi
Aðspurð segir hún að það sé mikilvægt einkenni á löggæslu hérlendis að lögreglan beri ekki vopn.
„Almenningur hefur traust og er ekki hræddur við lögregluna. Þarna þarf að vinna það saman að lögreglan sé örugg í sínum störfum og að almenningur finni fyrir öryggi af lögreglunni.
Ég held að það séu ýmsar aðrar leiðir til þess en að auka á vopnaburð lögreglunnar, t.a.m. með því að fjölga í lögreglunni þannig að hún sé aldrei ein í verkefnum.“
Fjárfestingin 115 milljarðar króna
Aukin tíðni þungunarrofa hjá yngsta aldurshópnum
Þrjú og hálft ár fyrir skotárás í Úlfarsárdal
„Menn eru bara búnir að forgangsraða“
Kveðst tala af virðingu: „Ég er enginn dóni“
Stóraukið fé til samgöngusáttmála
Ofsóttur innan veggja Boeing