Nína Dögg Filippusdóttir, leikkona var í dag sæmd riddarakrossi og var þar með sú fjórða úr sinni fjölskyldu til að hljóta þessa viðurkenningu.
Viðurkenninguna hlaut hún fyrir framlag sitt til leiklistar- og sjónvarpsþátta og kvikmyndagerðar.
Gísli Örn Garðarsson, eiginmaður hennar, var sæmdur riddarakrossi árið 2010, fyrir framlag sitt sem leikstjóri til íslenskrar og alþjóðlegrar leiklistar.
Systir Gísla og þar með mágkona Nínu Daggar, Rakel Garðarsdóttir, var sæmd riddarakrossi í fyrra, árið 2021, fyrir framlag til að efla vitund um matarsóun, betri nýtingu og umhverfismál.
Amma Nínu Daggar, Sólveig Guðlaugsdóttir geðhjúkrunarfræðingur, var sæmd riddarakrossi fyrir framlag til heilbrigðismála og umönnunar ungmenna árið 2010.
Uppfært kl. 22:09 og fyrirsögn leiðrétt.