Íslenska ríkinu hefur verið gert að greiða Alberti Klahn Skaftasyni 26 milljónir króna í bætur. Hann var einn sakborninga í Guðmundar- og Geirfinnsmálinu.

Frétt af mbl.is

Krefur ríkið um 200 milljónir í bætur

Hann krafði ríkið um 200 milljónir króna vegna frelsissviptingar og miska sem hann varð fyrir vegna málsins. Albert hafði áður fengið greiddar 15 milljónir króna í bætur úr ríkissjóði árið 2020. Sú fjárhæð kemur til frádráttar þeirri bótafjárhæð sem núna hefur verið ákvörðuð.

Kröfu Alberts um 8 milljóna króna bætur fyrir fjártjón vegna tekjumissis var vísað frá dómi, að því er kemur fram í dómi  Héraðsdóms Reykjavíkur. 

Málskostnaður fellur niður. Gjafsóknarkostnaður Alberts greiðist úr ríkissjóði, þar með talin þóknun lögmanns hans upp á fjórar milljónir króna.

Sýknaður árið 2018

Al­bert var sýknaður við end­urupp­töku Guðmund­ar- og Geirfinns­máls­ins fyr­ir Hæsta­rétti árið 2018, en hann var dæmd­ur í 12 mánaða fang­elsi á sín­um tíma fyr­ir aðild sína að mál­inu. Þá sat hann í gæslu­v­arðahaldi í 88 daga.

Frétt af mbl.is

Fengu greiddar bætur úr ríkissjóði

Andleg og líkamleg raun

Fram kemur í niðurstöðu héraðsdóms að Albert eigi rétt á miskabótum vegna gæsluvarðhaldsvistar, sakfellingar og afplánunar vegna málsins.

„Þá verður einnig litið til þess að stefnandi þurfti um langt árabil að þola að vera dæmdur sekur fyrir aðild að hvarfi Guðmundar, til þeirrar andlegu og líkamlegu raunar sem sakfellingin og frelsissviptingin olli honum, til þess að hann sætti vanvirðandi meðferð í gæsluvarðhaldinu, til þess að sakfelling hans var gerð á grundvelli rannsóknar og málsmeðferðar sem braut gegn rétti hans sem sakbornings til réttlátrar málsmeðferðar, og afleiðinga alls framangreinds á andlega og líkamlega heilsu hans,“ segir í niðurstöðunni.

Hrafnkell Oddi Guðjónsson lögmaður flutti málið fyrir Albert en Andri Árnason lögmaður flutti málið fyrir ríkið.

Tengdar fréttir

Guðmundar- og Geirfinnsmál

Nýju ljósi varpað á Guðmundar- og Geirfinnsmál

• „Þetta er auðvitað algjörlega galið“
• Skilur eftir sár sem munu aldrei gróa
• Hagsmunir ríkisins að ljúka máli Erlu
• Rétt og sanngjarnt að ljúka hennar hluta

» Fleiri tengdar fréttir

• Blogga um frétt