Viðbragð í mokstri of seint fyrsta daginn
Veronika Steinunn Magnúsdóttir
Setja bókamerki
„Fyrsta daginn þegar snjó kyngdi niður var viðbragðið of seint,“ segir Dagur B. Eggertsson borgarstjóri, spurður hvort viðbragð borgarinnar í snjómokstri sé ásættanlegt.
„Almennt hefur gengið mjög vel að ryðja stofnbrautirnar. Fyrst og fremst höfum við kannski lent í vanda varðandi húsagöturnar, þegar snjórinn hefur verið mjög mikill eða þegar það hefur haldið áfram að snjóa yfir lengri tíma,“ segir Dagur og bætir við að rætt hafi verið í borgarstjórn hvaða þjónustuviðmið þurfi að setja í snjómokstri.
Áætlun verði tilbúin fyrir næsta vetur
Hvenær megum við búast við heildstæðri áætlun? Verður beinum samningum við verktaka fjölgað?
„Ég á von á tillögum í þessum mánuði frá hópnum, sem er að störfum. Við vitum að ákveðnir samningar renna út með vorinu.“ Ný áætlun í snjómokstri verði tilbúin fyrir næsta vetur.
Dagur segir bersýnilegt að stóru stofnæðarnar og aðalumferðargöturnar séu auðar.
„Því okkur hefur tekist svo vel að hreinsa þær fyrir klukkan sjö, nánast á hverjum morgni og fyrir klukkan átta, það sem eftir stendur þá. Fólk sér að húsagöturnar, sem eru í þriðja og fjórða forgangi taka meiri tíma. Þær eru auðvitað miklu fleiri og svo framvegis,“ segir hann og bætir við að umræðan í borgarstjórn hafi að miklu leyti snúist um mokstur í húsagötum.
Strætó gangi nær oftast
Mengun vegna köfnunarefnisdíoxíðs mældist yfir heilsuverndarmörkum í gær og var fólk því hvatt til að skilja einkabílinn, orsakavald mengunarinnar, heima.
Gangstéttir og göngustígar hafa víða ekki verið mokaðir síðan snjór féll á nýársdag. Er þá ekki erfitt að ætlast til þess að fólk nýti sér þá kosti?
„Þetta var það sem við tókum í gegn fyrir nokkrum árum. Við viljum gjarnan þjóna öllum fararmátum eins. Auðvitað getur fólk treyst því að Strætó gengur meira og minna hvernig sem viðrar. Það er bara mitt í óveðrinu sjálfu sem það getur brugðið til beggja vega. Við viljum sannarlega vera aðgengileg borg en í mestu vetrarveðrunum tekur alltaf ákveðinn tíma að komast í gegnum allt sem moka þarf.“
Vélsleðaslys: Þyrlan kölluð út á mesta forgangi
Skar höfuðleðrið af íslenskri konu
Eyjafjarðarbraut lokað vegna alvarlegs umferðarslyss
„Hvílir mikil leynd yfir þessu öllu“
„Það þarf að vinna mikinn fjölda upp“
Gígbarmurinn hækkað frá því í gær
Kostnaður meiri en milljón á fermetra
Veiting hvalveiðileyfis ekki brot á EES-samningi