Eiga eftir að tæma eina vél
Setja bókamerki
Enn á eftir að tæma eina flugvél Icelandair sem lenti á Keflavíkurflugvelli í morgun. Flugvélin var á leið frá Boston og lenti hún klukkan 5.37 í morgun. Alls hafa farþegarnir því verið um borð í vélinni í rúma sautján klukkutíma, en flugið frá Boston er rúmir fimm klukkutímar.
Ásdís Ýr Pétursdóttir, upplýsingafulltrúi Icelandair, staðfestir þetta í samtali við mbl.is.
Átta flugvélar Icelandair lentu á Keflavíkurflugvelli í morgun. Þær komu allar frá Norður-Ameríku.
Hófu aðgerðir á ný kl. 16
Fyrr í dag aðstoðuðu björgunarsveitir á Suðurnesjum við að ferja fólk úr flugvélunum. Þrátt fyrir að fjöldi fólks væri enn um borð í vélunum hafa björgunarsveitir hætt störfum.
Upp úr klukkan fjögur í dag hófust aðgerðir á ný og eins og áður sagði er búið að tæma allar vélar nema eina. Lendingartíma vélanna má sjá hér að neðan:
- Boston kl. 05.37
- Orlando kl. 05.59
- New York JFK kl. 05.53
- New York Newark kl. 05.39
- Seattle kl. 06.14
- Toronto kl. 06.38
- Washington Dulles kl. 06.28
- Chicago kl. 09.46
Kvikan virðist nú skiptast til helminga
Þrjú og hálft ár fyrir skotárás í Úlfarsárdal
Sárt að horfa upp á illa meðferð fjármuna
Aðeins ein leið fær í Grindavíkurmálum
Fjárfestingin 115 milljarðar króna
Ekki byggt í takt við áform sveitarfélaga