Kjörstjórn Eflingar hefur auglýst leynilega rafræna atkvæðagreiðslu um boðun vinnustöðvunar á starfsstöðvum fyrirtækjanna Íslandshótel hf. og Fosshótel Reykjavík ehf.

Atkvæðagreiðsla hefst í hádeginu á morgun og lýkur klukkan 20 á mánudaginn eftir viku, 30. janúar.

Atkvæði greiða þeir félagsmenn sem boðunin tekur til, það er starfsfólk undir kjarasamningi um vinnu starfsfólks í veitinga- og gistihúsum og hliðstæðri starfsemi. Það er sinnir þrifum á herbergjum og í sameiginlegum rýmum, störfum í eldhúsi, við framreiðslu veitinga, þvott og fleira.

Frétt af mbl.is

Fundi lokið: Sólveig neitar að tjá sig

Verkföll myndu hefjast 7. febrúar

Um er að ræða ótímabundna vinnustöðvun sem hefst klukkan tólf á hádegi 7. febrúar. Vinnustöðvunin tekur til allra starfa undir kjarasamningi Eflingar við SA um vinnu í veitinga- og gistihúsum, á eftirtöldum starfsstöðvum:

Fosshotel Reykjavík…………….. Þórunnartún 1, 105 Reykjavík
Hotel Reykjavík Grand………… Sigtún 28, 105 Reykjavík
Hotel Reykjavík Saga…………… Lækjargata 12, 101 Reykjavík
Hotel Reykjavík Centrum…….. Aðalstræti 16, 101 Reykjavík
Fosshotel Baron…………………… Barónsstígur 2-4, 101 Reykjavík
Fosshotel Lind…………………….. Rauðarárstígur 18, 105 Reykjavík
Fosshotel Rauðará……………….. Rauðarárstígur 37, 105 Reykjavík

Verkfallsstyrkur upp á 23.500

Fram kemur í verkfallsboðun sem samþykkt var á fundi samninganefndar í gærkvöldi að gert sé ráð fyrir verkfallsstyrk að upphæð 23.500 krónum fyrir hvern þann dag sem félagsmaður missir laun vegna verkfalls, miðað við fulla vinnu.

Tengdar fréttir

Kjaraviðræður

Hægagangur og vaxandi ókyrrð

• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara

» Fleiri tengdar fréttir

• Blogga um frétt