„Það er greiningarvinna í gangi og lítið annað hægt að segja um það núna,“ segir Sylgja Dögg Sigurjónsdóttir, líffræðingur hjá verkfræðistofunni EFLU, sem annast eftirlit með framkvæmdum á Fossvogsskóla. 

Þak Fossvogsskóla míglak á föstudaginn þegar gerði mikla úrkomu en skólinn hefur nýlega verið gerður upp í annað sinn, fyrir töluverða fjármuni, vegna myglu í skólanum sem kom til vegna leka. 

Sylgja Dögg minnir á að verklok hafi ekki farið fram og í raun sé skólinn vinnusvæði. 

Húsnæði Fossvogsskóla er nýuppgert. mbl.is/Eggert Jóhannesson

„Það er verið að rannsaka þetta. Strax klukkan sjö í morgun voru allir byrjaðir að greina hvað þarna gerðist. Allir aðilar, hönnuður, eigandi, verktaki og við. Það eru allir að rýna sig og saman.“ 

Sylgja segir að enn liggi ekki endanlega fyrir hvað lak. Verið sé að safna saman upplýsingum og myndum. 

„Það eina sem ég get sagt er að það verður skoða í þaula hvað gerðist,“ segir Sylgja Dögg. 

Tengdar fréttir

Mygla í húsnæði

Kostnaður meiri en milljón á fermetra

• Margar ríkiseignir úr leik vegna myglu
• Rakaskemmdir í ókláruðum leikskóla
• Ósátt við 172 milljóna „bakreikning“
• Bærinn kaupir ekki bankann

» Fleiri tengdar fréttir

Veðraskil í janúar 2023

Lægðir á leiðinni og mjög viðkvæm staða í spám

• Hringvegurinn opnaður en varað við hálku og krapi
• Hringvegurinn lokaður á tveimur köflum
• Ófærðin mest í efri byggðum
• Nóttin róleg hjá björgunarsveitum

» Fleiri tengdar fréttir

• Blogga um frétt