Lögreglunni á höfuðborgarsvæðinu barst tilkynning í dag um ölvaðan einstakling fyrir utan heimili, sem hélt á hafnaboltakylfu.
Sá sem tilkynnti athæfið kvaðst ekki þekkja einstaklinginn og fannst hann ekki þegar lögregla ók um hverfið, að því er fram kemur í dagbók lögreglu.
Byggingarvörum var þá stolið af athafnasvæði fyrirtækis í Kópavogi og mun lögregla rannsaka málið nánar.
Þá var tilkynnt um aðila sem var til vandræða í miðborginni. Var hann rólegur þegar lögregla kom á vettvang en kvaðst verkjaður og óskaði eftir því að fá sjúkrabíl. Ók lögregla honum á bráðamóttöku til aðhlynningar.