Sólveig Anna Jónsdóttir, formaður Eflingar, sendi Katrínu Jakobsdóttur forsætisráðherra bréf í gær þar sem hún óskar eftir fundi með ráðherra og að Katrín deili með Eflingu „þeirri ráðgjöf sem hún segist hafa fengið frá sérfræðingum um að miðlunartillaga ríkissáttasemjara sé lögleg“.

Frétt af mbl.is

Katrín ber fullt traust til ríkissáttasemjara

Bréfið birti Sólveig Anna á Facebook-síðu sinni en hún sendi það á ráðherra í ljósi ummæla sem Katrín lét falla í fjölmiðlum í gær um miðlunartillögu ríkissáttasemjara. 

Sagði Katrín að samkvæmt þeim sérfræðingum sem hún hefur ráðfært sig við standist tillagan skoðun. 

Sólveig segir að þessi ummæli hafi verulegt vægi í samfélaginu og hafi mikil áhrif á afstöðu almennings til deilunnar. 

Frétt af mbl.is

Telur aðkomu dómstóla nauðsynlega

„Það er hvorki mér né öðru Eflingarfólki kappsmál að standa „í öllum þessum kærumálum“,“ segir í bréfi Sólveigar og bætir við að það þýði ekki að Efling muni ekki svara fyrir sig. 

Í Facebook-færslunni segir Sólveig að forsætisráðherra hafi enn ekki svarað bréfinu. 

Tengdar fréttir

Kjaraviðræður

Hægagangur og vaxandi ókyrrð

• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara

» Fleiri tengdar fréttir

• Blogga um frétt