Skotfélag Reykjavíkur (SR) hefur opnað skotsvæði sitt á Álfsnesi á ný þar sem félagið hefur fengið nýtt starfsleyfi.
Svæðinu var lokað í lok september árið 2021 þar sem starfsemin var ekki talin samræmast landnotkun samkvæmt aðalskipulagi. Var starfsleyfi félagsins fellt úr gildi.
„Það eru margir búnir að bíða lengi eftir þessu. Þetta hefur dregið verulega úr ásókn í skotfimi annars staðar líka. Menn eru ekkert að fara úr bænum. Þeir vilja hafa sína aðstöðu hér á höfuðborgarsvæðinu,“ segir Guðmundur Gíslason, framkvæmdastjóri SR, í samtali við mbl.is.
Jæja það er komið að því. Nýtt starfsleyfi komið í hús á Álfsnesi og það er opið hjá okkur í dag laugardag frá kl 10-16. Hlökkum til að sja ykkur 😁
Posted by Skotfélag Reykjavíkur on Laugardagur, 4. febrúar 2023