Veitingastaður reykræstur í Vesturbænum

Slökkviliðið á höfuðborgarsvæðinu var kallað út í dag vegna mikils reyks á veitingastaðnum Asia food sem er í sömu verslunareiningu og Vesturbæjarís við Hagamel í Vesturbænum.

Varðstjóri slökkviliðsins sagði í samtali við mbl.is að ekki hafi verið um stórmál að ræða. Pottur hafi gleymst á eldavél og mikill reykur hafi verið.

Ekki hafi verið um neinar skemmdir að ræða og slökkvilið hafi eingöngu þurft að reykræsta staðinn. Útkallið barst um klukkan 16.20 að sögn varðstjóra.

• Blogga um frétt