Notkun ADHD-lyfja hér á landi heldur áfram að aukast og jókst hún um 12,3% á seinasta ári frá árinu á undan. Heldur hefur þó dregið úr aukningunni á milli ára, sérstaklega meðal barna, ef miðað er við ört vaxandi notkun á undanförnum árum.
Var fjölgunin meiri hjá konum en körlum í fyrra og eru konur nú meirihluti fullorðinna notenda. Sömuleiðis var meiri fjölgun hjá stúlkum en drengjum í fyrra.
Þetta kemur fram í Talnabrunni, fréttabréfi landlæknis, þar sem birt er úttekt á notkun ADHD-lyfja á Íslandi á árunum 2013-2022. Þau lyf sem eru mest notuð við ADHD innihalda metýlfenidat sem er í flokki svonefndra adrenvirkra lyfja sem verka á miðtaugakerfið og var notkun þeirra rúmlega 57 dagskammtar á hverja þúsund íbúa á dag á seinasta ári.
Lesa má meira um málið í Morgunblaðinu í dag.