Píanóleikarinn Magnús Jóhann Ragnarsson segist hafa með tíð og tíma lært að ekkert gigg geti verið fullkomið. Hann kemur reglulega fram, bæði í sínum eigin verkefnum og með mörgu af okkar þekktasta tónlistarfólki.

Þessa dagana starfar hann sem tónlistarstjóri Idol á Stöð 2 og undirbýr útgáfutónleika með GDRN sem verða á laugardag í Hörpu. 

Spurður út í það hvort það að standa á sviði hafi átt vel við hann segist hann hafa verið heppinn að fá mörg tækifæri til að koma fram frá unglingsaldri, t.d. í Stuðmannasöngleik í Versló. 

Hann hefur undanfarin ár spilað tugi ef ekki hundruðir gigga á ári og segist mikið hafa lært á því en viðurkennir að hann verði samt stressaður inni á milli. Verkefnin eru miskrefjandi. Það mæðir mismikið á honum sjálfum og skiptir mismiklu máli hvort hann ruglist. 

„Stóri sannleikurinn er sá að maður spilar aldrei gigg sem er fullkomið. Ég held að allt ungt tónlistarfólk læri það á endanum. Það er alveg sama hvað maður er kominn langt, maður gerir alltaf einhver mistök. Bara kannski á misstórum skala.“

Magnús Jóhann var gestur Ragnheiðar Birgisdóttur í Dagmálum. Þar sagði hann frá sínum eigin tónsmíðaverkefnum og samstarfinu við tónlistarmenn á borð við GDRN, Bríeti, Aron Can, Flóna, Moses Hightower, Skúla Sverrisson og Bubba Morthens. 

Sjaldan dauður tími í músíkinni

Tengdar fréttir

Dagmál

„Ég á þetta ekki, ég má þetta“

• „Ef það er einhver einn lærdómur...“
• Þakklátur fyrir að eiga snjalla eiginkonu
• „Ég, Alfreð og Eiður Smári svekktum okkur stundum á þessu“
• Emil í miðju viðtali: „Það gæti þurft að klippa þetta út!“

» Fleiri tengdar fréttir

• Blogga um frétt