Enn óljóst hvort flug gæti raskast
Setja bókamerki
Enn er óljóst hvaða áhrif yfirvinnubann hefði á starfsemi Keflavíkurflugvallar og flugsamgöngur hér á landi, taki það gildi þann 3. mars, líkt og í stefnir.
Greint var frá því fyrr í dag að yfirvinnubann hefði verið samþykkt með miklum meirihluta af félagsmönnum Félags flugmálastarfsmanna ríkisins, FFR.
Isavia kveðst ekki enn hafa lagt mat á hvort flugsamgöngur muni koma til með að raskast, verði bannið að veruleika.
„Við erum að fara yfir hver möguleg áhrif yfirvinnubanns kynnu að verða,“ segir Guðjón Helgason, upplýsingafulltrúi Isavia, í svari við fyrirspurn mbl.is en vildi ekki tjá sig að öðru leyti en að Isavia vonaðist til þess að „báðir aðilar fari sáttir frá samningsborðinu.
Mikil yfirvinna á veturna
Unnar Örn Ólafsson, formaður FFR, tjáði mbl.is fyrr í dag að hann vonaðist til þess að yfirvinnubannið hreyfi við viðsemjendunum svo hægt verði að ganga frá samningi áður en aðgerðirnar eiga að koma til framkvæmda.
Kvaðst hann telja líklegt að aðgerðirnar myndu hægja á flæði um Keflavíkurflugvöll, bæði fluginu og umferð farþega.
„Yfirvinnubann að vetri til er auðvitað mjög slæmt. Það er mikil yfirvinna hjá flugvallarþjónustunni,“ sagði Unnar í samtali við Morgunblaðið á mánudaginn en félagsmenn FFR eru meðal annars flugöryggisverðir, rafeindavirkjar, smiðir, flugfjarskiptamenn, flugvallareftirlitsmenn og skrifstofufólk.
Boðað hefur verið til sáttafundar í kjaradeilu FFR og Isavia í næstu viku, um þremur dögum áður en yfirvinnubannið á að taka gildi.
Fylgið ennþá dreift en fáir óráðnir
„Erum á stað sem við höfum ekki séð áður“
„Hernaðaraðgerðinni er ekki lokið“
„Ennþá í hálfgerðu áfalli yfir þessari frétt“
Foreldrahlutverkið flóknara nú en áður
Bjarni hvetur til stillingar
Bíða vorsins hjá Landsvirkjun