Verjendur þeirra fimm sem ákærðir eru í hoppukastalamálinu svokallaða, þar sem hoppukastali tókst á loft með skelfilegum afleiðingum sumarið 2021, hafa krafist að ákæran gegn þeim skuli felld niður. Ástæðuna segja þeir „óljós sakarefni“. Rúv greinir frá.

Frétt af mbl.is

Lýstu öll yfir sakleysi

Í lok síðasta árs gaf lögreglustjórinn á Norðurlandi eystra út ákæru á hendur mönnunum fimm fyrir að hafa sýnt af sér í félagi aðgæsluleysi og vanrækslu þegar hoppukastalinn Skrímslið var tekinn í gagnið á Akureyri fyrir tæpum tveimur árum.

Saksóknari höfðaði málið vegna meiðsla fjögurra barna í slysinu, en alls slösuðust tíu börn, þar á meðal sex ára stúlka sem lá á gjörgæslu um tíma og berst enn við hreyfihömlun.

Frétt af mbl.is

Mun berjast við hreyfihömlun alla ævi

Vísaði til hryðjuverkamálsins

Allir sem ákærðir eru lýstu yfir sakleysi og fóru verjendur þeirra fram á frávísun ákærunnar við þinghald í gær. Vísaði verjandi eins þeirra til ákærunnar í hryðjuverkamálinu svokallaða, sem nýlega var vísað frá vegna óljósra sakarefna.

Í umfjöllun Rúv kemur orðalag ákærunnar svo óljóst að sakborningum hefði verið „ógerlegt að skilja með hvaða háttsemi eða athafnaleysi þeir hefðu brotið af sér“.

Tengdar fréttir

Hoppukastalaslys á Akureyri

Vilja að dómarinn víki í hoppukastalamálinu

• Engar óyggjandi niðurstöður í hoppukastalamáli
• Sneru við úrskurði héraðsdóms
• Beiðast nýs mats í hoppukastalamáli
• Hoppukastalamálið fyrir dóm

» Fleiri tengdar fréttir

• Blogga um frétt