Félag flugmálastarfsmanna ríkisins (FFR) og Isavia munu funda klukkan 13 í dag hjá ríkissáttasemjara. Yfirvinnubann félagsmanna FFR hefst að öllu óbreyttu klukkan 16 í dag.
Síðast var fundað á miðvikudag og sagði Unnar Örn Ólafsson, formaður FFR, í samtali við mbl.is í gær að sá fundur hafi valdið gífurlegum vonbrigðum.
Þá sagði hann fundinn í dag lokatilraun til þess að koma í veg fyrir yfirvinnubannið en það er ótímabundið.