Katrín og Þórdís á leið til Úkraínu
Andrés Magnússon
Setja bókamerki
Katrín Jakobsdóttir forsætisráðherra og Þórdís Kolbrún Reykfjörð Gylfadóttir utanríkisráðherra halda áleiðis til Úkraínu í dag til fundar við þarlend stjórnvöld.
Ráðherrarnir fljúga til Póllands í dag, en gert er ráð fyrir að þær stöllur haldi með næturlest yfir til Úkraínu og eiginleg heimsókn þar í landi hefjist á morgun.
Mikil leynd hefur hvílt yfir þessum áformum, m.a. af öryggisástæðum, en með í för verða nokkrir aðstoðarmenn ráðherranna og fréttamenn Ríkisútvarpsins.
Þórdís Kolbrún utanríkisráðherra fór til Úkraínu í lok nóvember síðastliðins ásamt utanríkisráðherrum frá öðrum Norðurlöndum og Eystrasaltsríkjum og átti þá m.a. fund með Volodimír Selenskí, forseta Úkraínu.
Íslendingar hafa lagt sitt af mörkum til aðstoðar Úkraínu efttir innrás Rússa, efnahagslega með fjárstuðningi, með mannúðaraðstoð, stuðningi við varnir og ekki síst pólitískt á alþjóðavettvangi. Gert er ráð fyrir að frekari stuðningur við Úkraínu verði ræddur og kynntur í ferðinni.
Þá er tilefni heimsóknarinnar einnig formennska Íslands í Evrópuráðinu og leiðtogafundur ráðsins sem fer fram í Reykjavík í maí, en Úkraína mun hafa þýðingarmikið hlutverk á leiðtogafundinum.
Hæstiréttur staðfestir vanhæfi alls Landsréttar
Segjast hafa skotið niður langdræga sprengjuvél
Unnu að fullum heillindum að kaupum á TM
Sárt að horfa upp á illa meðferð fjármuna
Myndskeið: Segjast hafa skotið niður sprengjuflugvél
Nauðgaði kærustu sinni og tók það upp
Spursmál: Fyrsta stóra viðtal Katrínar