Bruninn olli miklu tjóni

Eldur braust út í íbúahúsnæði í Grindavík í gær.
Eldur braust út í íbúahúsnæði í Grindavík í gær. mbl.is/Sigurður Bogi

Bruninn sem varð í íbúðarhúsnæði í Grindavík í gær olli miklu tjóni, að sögn slökkviliðsins í Grindavík.

Greint var frá því í gær að eldur hafi brotist út í kjallaraíbúð hússins.

Pétur Benediktsson, varaslökkviliðsstjóri á Grindavík, segir að einn íbúi hafi verið staddur á efri hæð hússins þegar eldurinn kviknaði. Hann var kominn út þegar slökkviliðið mætti á vettvang.

Það tók slökkvilið um 20 til 30 mínútur að slökkva eldinn og reykræsta þurfti húsnæðið í kjölfarið.

Pétur segir of snemmt að segja til um hvar í húsnæðinu eldurinn kviknaði, en málið er nú í rannsókn hjá lögreglunni á Suðurnesjum.

mbl.is
Fleira áhugavert
Fleira áhugavert