Góður gangur er sagður vera á kjaraviðræðum samninganefnda heildarsamtaka opinberra starfsmanna og launagreiðenda á opinbera vinnumarkaðinum í húsnæði ríkissáttasemjara.

Um er að ræða heildarsamflot Bandalags starfsmanna ríkis og bæja, Bandalags háskólamanna og Kennarasambands Íslands um endurnýjun kjarasamningi í sameiginlegum viðræðum við samninganefndir ríkisins, Reykjavíkurborgar og Sambands íslenskra sveitarfélaga, sem staðið hafa yfir nær sleitulaust undanfarna daga og vikur.

Samningamenn verjast allra frétta af gangi viðræðna en markmiðið er þó sagt vera óbreytt að niðurstaða liggi fyrir áður en gildandi samningar flestra opinberra starfsmanna renna út 31. mars næstkomandi. Var reiknað með því í gær að viðræðunum yrði haldið áfram yfir helgina.

Nán­ari um­fjöll­un er að finna í Morg­un­blaðinu í dag. 

Tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir