Að minnsta kosti þrjú snjóflóð hafa fallið í Neskaupstað í nótt og í morgun. Þetta staðfestir Magni Hreinn Jónsson, fagstjóri ofanflóða á Veðurstofu Íslands, í samtali við mbl.is. 

Frétt af mbl.is

Snjóflóð féll á íbúðarhús í Neskaupstað

Þriðja flóðið sást um áttaleytið í morgun. Neyðarstigi Al­manna­varna hef­ur verið lýst yfir í Nes­kaupstað. 

Þar sem fyrstu tvö flóðin féllu í nótt og morgun. Kort/mbl.is

„Það er augljós snjóflóðahætta í fjallinu og vitað um þessi þrjú snjóflóð,“ segir hann og bætir við að líklegt þyki að fleiri flóð hafi fallið. 

Skyggnið er slæmt á svæðinu en Magni segir að veðrið fari skánandi um og eftir hádegi. 

„En það er úrkoma og vindur þarna alveg fram á kvöld.“ 

Tengdar fréttir

Snjóflóð á Austfjörðum

Rýming endurmetin í fyrramálið

• Varðskipið Þór við bryggju á Seyðisfirði
• Varðskipið í viðbragðsstöðu á morgun
• Rýming líklega í gildi fram á mánudag
• Rýma í kvöld vegna snjóflóðahættu

» Fleiri tengdar fréttir

• Blogga um frétt