Ríkislögreglustjóri, lögreglustjórinn á Austurlandi og Veðurstofa Íslands hafa nú ákveðið að fara af hættustigi almannavarna og niður á óvissustig vegna snjóflóða í Neskaupstað. Óvissustiginu er haldið vegna rigninga sem von er á.

Þetta kemur fram í tilkynningu almannavarna.

Neyðarstigi almannavarna var lýst yfir á mánudag í kjölfar flóðanna. Farið var niður á hættustig þegar ljóst var að enginn væri í bráðri hættu vegna flóðsins. Rýming á síðustu svæðunum var aflétt í gær.

„Hættustigi Veðurstofunnar á þessum stöðum var í kjölfarið aflýst en í ljósi aðstæðna og rigninga sem von er á, einkum á sunnanverðum Austfjörðum hefur Veðurstofa Íslands ákveðið að halda óvissustigi sínu vegna ofanflóðahættu á Austurlandi,“ segir í tilkynningunni.

Tengdar fréttir

Snjóflóð á Austfjörðum

Rýming endurmetin í fyrramálið

• Varðskipið Þór við bryggju á Seyðisfirði
• Varðskipið í viðbragðsstöðu á morgun
• Rýming líklega í gildi fram á mánudag
• Rýma í kvöld vegna snjóflóðahættu

» Fleiri tengdar fréttir

• Blogga um frétt