Tveir fá 54 milljónir króna

Peningarnir munu eflaust koma sér vel.
Peningarnir munu eflaust koma sér vel. mbl.is/Eggert Jóhannesson

Tveir Lottómiðaeigendur duttu í lukkupottinn í útdrætti gærkvöldsins og skipta sexföldum Lottópotti á milli sín. Fær hvor þeirra rúmar 54 milljónir króna.

Annar miðinn var keyptur hjá N1 v/Ártúnshöfða í Reykjavík, en hinn í Lottó-appinu.

Sex voru með bónusvinninginn og fá þeir 238.100 krónur hver.

Miðarnir voru keyptir í Olís v/Tryggvabraut á Akureyri, Bensínsölunni Kletti í Vestmannaeyjum, Lottó-appinu, á lotto.is og tveir eru í áskrift.

Þá var einn með allar Jókertölurnar réttar - og í réttri röð - og fær hann 2 milljónir króna fyrir það. Miðinn góði er í áskrift.

Fjórir voru svo með 2. vinning í Jóker og fær hver þeirra 100 þúsund í sinn hlut. Einn miðanna er í áskrift, en hinir voru keyptir í Esjuskálanum á Kjalarnesi, Krambúðinni á Laugarvatni og á lotto.is.

mbl.is
Fleira áhugavert
Fleira áhugavert