Strætó varð alelda á örskotstundu þegar hann var á leið á Flugvallarvegi í Reykjanesbæ. Útkallið kom um hálf tvö og um hálftíma síðar var búið að slökkva eldinn. 

Samkvæmt upplýsingum frá varðstofu Brunavarna Suðurnesja var einn farþegi í vagninum þegar eldurinn kom upp en farþeginn ásamt vagnstjóra komst auðveldlega út úr vagninum. Vagnstjórinn hafði orðið eldsins var og beygði inn á malarplan.

Samkvæmt vaktmanni kom eldurinn upp í vélarrými og var hann allt að því alelda þegar slökkviliðið kom á svæðið. Tvær rúður sprungu út en notast var við froðu til þess að slökkva eldinn. 

Jóhann Ragnarsson tók myndbandið sem fylgir fréttinni. 

Tengdar fréttir

Strætó

Vill skýringar á endastöð strætó

• Umboðsmaður krefst skýringa
• Strætó tekur u-beygju
• Vilja að börn fái frítt í strætó
• Strætó hættir að taka við reiðufé

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Fyrir sextíu árum kviknaði í nýjum slökkvibíl.