Ríkislögreglustjóri hefur í samráði við lögreglustjórann á Austurlandi ákveðið að aflýsa óvissustigi almannavarna vegna snjóflóða í Neskaupstað. Þetta kemur fram í fréttatilkynningu frá almannavarnadeild ríkislögreglustjóra.

Kemur þar enn fremur fram að Veðurstofa Íslands hefur einnig aflýst óvissustigi sínu vegna hættu á snjóflóðum og krapaflóðum á Austfjörðum.  

Þjónustumiðstöð opin áfram

Við taki umfangsmikil verkefni við hreinsun og endurreisn samfélagsins eftir því sem greint er frá í tilkynningunni. Segir þar einnig að þjónustumiðstöð almannavarna sé starfrækt í Neskaupstað og verði opin eins lengi og hennar verði þörf.  

„Verkefni þjónustumiðstöðvar felast í stuðningi við íbúa og aðra sem á einhvern hátt hafa orðið fyrir áhrifum ofanflóða og ofanflóðahættu á Austfjörðum. Stuðningurinn felur meðal annars í sér upplýsingagjöf og fræðslu af ýmsu tagi og Rauði krossinn mun halda áfram að bjóða upp á sálfélagslegan stuðning í þjónustumiðstöðinni,“ segir að lokum.

Tengdar fréttir

Snjóflóð á Austfjörðum

Rýming endurmetin í fyrramálið

• Varðskipið Þór við bryggju á Seyðisfirði
• Varðskipið í viðbragðsstöðu á morgun
• Rýming líklega í gildi fram á mánudag
• Rýma í kvöld vegna snjóflóðahættu

» Fleiri tengdar fréttir

• Blogga um frétt