Vél Niceair í notkun á Möltu

Vél Niceair á flugvellinum í Nice í Frakklandi hinn 21. …
Vél Niceair á flugvellinum í Nice í Frakklandi hinn 21. apríl síðastliðinn. Ljósmynd/Aðsend

Flugvélin sem fyrirtækið Niceair var með í notkun er nú í notkun hjá maltneska flugfélaginu Hi Fly Malta. Samkvæmt gögnum Flight Radar 24 hefur vélin að mesti flogið frá Möltu til áfangastaða í Evrópu, Genf, Nantes, Deuville, London, Prag, Dusseldorf og Nice. 

mbl.is barst ábending um að vélin hefði einmitt sést í Nice í Frakklandi hinn 21. apríl síðastliðinn. 

Í byrjun mánaðar var greint frá því að öllum flugferðum Niceair hefði verið aflýst og hlé gert á starfsemi. Í gær staðfesti Þorvaldur Lúðvík Sigurjónsson, framkvæmdastjóri Niceair, að ekki yrði flogið frá Akureyri í sumar og hefur öllu starfsfólki verið sagt upp, alls 16 manns. 

Þá sagðist Þorvaldur ekki vita hvert vélin, sem Niceair leigði af HiFly, væri niður komin. 

mbl.is
Fleira áhugavert
Fleira áhugavert