Ríkissáttasemjari telur ekki ástæðu til að boða til fundar í kjaradeilu BSRB og Sambands íslenskra sveitarfélaga (SNS) eins og staðan er núna. Formaður SNS býst við fundi í dag.

„Við erum í sambandi við deiluaðila og fylgjumst vel með en það er ekki búið að boða til fundar,“ segir Elísabet S. Ólafsdóttir, aðstoðarsáttasemjari hjá embætti ríkissáttasemjara í samtali við mbl.is.

Frétt af mbl.is

„Því miður er bara mjög langt á milli okkar“

Hún og Aldís Sigurðardóttir aðstoðarsáttasemjari sjá um deilur BSRB og SNS frá bæjardyrum ríkissáttasemjara. Þær telja ekki ástæðu til að boða til nýs fundar í kjaradeilunni.

„Ef eitthvað nýtt er í stöðunni og við metum stöðuna þannig að það sé ástæða til að halda sameiginlegan fund þá gerum við það,“ segir Elísabet.

Frétt af mbl.is

Sér ekki fyrir endann á verkföllum BSRB

Búast við fundi í dag

Heiða Björg Hilmisdóttir, formaður SNS, býst þó við því að fundur verði í dag, en Elísabet kannast ekki við það.

„Við búumst við því að það verði fundur í dag. Við vonumst alltaf til þess að það þokist eitthvað í samningsátt, við erum í það minnsta öll af vilja gerð til að leita lausna og leiða. Við getum ekki tekið upp fyrri samning, en allt það sem mögulegt er í þessum samningi erum við tilbúin til að skoða,“ sagði Heiða Björg í samtali við mbl.is í morgun.

Tengdar fréttir

Kjaraviðræður

Aðalsteinn snýr aftur í Karphúsið

• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara
• Jöfnun launa milli markaða forsenda kjarasamninga

» Fleiri tengdar fréttir

• Blogga um frétt