Óánægja er með skerta starfsemi í leikskóla í sveitarfélaginu Árborg vegna verkfallsaðgerða félaga BSRB. Hún beinist þó ekki gagnvart leikskólanum né starfsfólki þess, að sögn Elvu Hrannar Alfreðsdóttur, leikskólakennaranema og deildarstjóra í téðum leikskóla í Árborg.

„Ég finn fyrir að það er óánægja vegna þess að það er skert starfsemi. Ég upplifi óánægjuna ekkert beinast gagnvart leikskólanum. Það eru allir skilningsríkir fyrir því að það sé óásættanlegt að starfsfólk sinni sömu vinnunni en sé á misháum launum,“ segir Elva Hrönn í samtali við mbl.is.

„Við sem höfum verið að starfa samhliða þessu fólki skiljum þetta engan veginn. Við erum ekkert að setja minni ábyrgð á þau sem eru á lægri launum og þau eru ekkert að sinna minna starfi. Það ætti náttúrulega að vera sömu laun fyrir sömu störf,“ segir Elva.

Frétt af mbl.is

Sonja Ýr birtir launaseðla leiðbeinenda

Elva Hrönn Alfreðsdóttir, leikskólakennaranemi og deildarstjóri í leikskóla í sveitarfélaginu Árborg. Ljósmynd/Aðsend

Aukið álag á kennara, börn og foreldra

„Þetta er mikil vinna og erfiðleikar sem fylgja þessu, þrátt fyrir að allir sem eru utan BSRB styðji samstarfsfólkið okkar. Það er mikið púsl sem fylgir þessu því við getum ekki sinnt fullri þjónustu þegar við erum ekki fullmönnuð. Þetta er mikið aukaálag á okkur, börnin og foreldrana,“ segir Elva.

Hún segir að skólinn þurfi að taka á móti færri börnum á meðan verkfallsaðgerðum stendur. Það þýði til dæmis stundum að loka þurfi heilum deildum hálfan dag í einu.

Tengdar fréttir

Kjaraviðræður

Alvarleg staða og erfið hjá kennurum

• Vísa kjaradeilu til ríkissáttasemjara
• Ætla að koma vel lestuð á þing ASÍ
• Kjaraviðræður fara rólega í gang
• Kjarapakkinn „snýttur út úr nös á vinstristefnunni“

» Fleiri tengdar fréttir

• Blogga um frétt