„Allt og ekkert“ verið gert tortryggilegt

Vilhjálmur H. Vilhjálmsson, verjandi Halldórs Margeirs Ólafssonar, gagnrýnir hugarfar lögreglu til rannsóknar saltdreifaramálsins og segir lögreglu hafa ítrekað reynt að gera „allt og ekkert“ tortryggilegt hvað varðar Halldór Margeir í því skyni að geta gengið á mannréttindi hans með rannsóknaraðgerðum og þvingunarráðstöfunum.

Í málflutningsræðu sinni fyrir Landsrétti í dag vísaði Vilhjálmur meðal annars til þess að tengsl umbjóðanda síns við Danmörku hefðu verið gerð tortryggileg en að lögreglu hefði verið ljóst að hann ætti dóttur og barnabörn í Danmörku.

Frétt af mbl.is

Sætti rannsóknaraðgerðum í Danmörku

Halldór Margeir var dæmdur í tólf ára fangelsi í héraðsdómi fyrir að hafa staðið að inn­flutn­ingi á salt­dreifara hingað til lands með Nor­rænu frá Hollandi, en í hon­um voru fald­ir 53 lítr­ar af am­feta­mín­vökva.

Frétt af mbl.is

Tveir fá tólf ár í saltdreifaramáli

Taldi þátttöku Halldórs Margeirs ósannaða

Þegar litið væri yfir rannsókn málsins taldi Vilhjálmur ljóst að hugur lögreglu hefði ekki staðið til þess að upplýsa málið og leiða sannleikann í ljós. Rannsóknin hefði einungis miðað við það sem horfði til sektar en ekki til sýknu.

Hann taldi ósannað að Halldór Margeir hefði átt þátt í innflutningi á saltdreifaranum, auk móttöku hans og vörslu í Hjallanesi á Hellu. Þá hefði hann hvorki fjarlægt vökvann úr saltdreifaranum né framleitt fíkniefnin.

Þá gaf Vilhjálmur lítið fyrir framburð Guðjóns Sigurðssonar, bónda í Hjallanesi, um þátt Halldórs Margeirs í málinu og sagði það augljóst að Guðjón hefði hag af því að varpa sök á umbjóðanda sinn.

Frétt af mbl.is

Tíu ára dómur standist enga skoðun

Krafist var frávísunar málsins eða sýknu, en til þrautavara var þess krafist að Halldór Margeir yrði dæmdur til vægustu refsingar sem lög leyfa. Benti Vilhjálmur á að 12 ára fangelsisdómur í héraði hefði verið allt of þungur. Bæri einnig að líta til þess að sakarferill Halldórs Margeirs væri enginn.

• Blogga um frétt