Katrín og Selenskí í Moldóvu

Katrín Jakobsdóttir forsætisráðherra sækir í dag leiðtogafund hins pólitíska bandalags Evrópuríkja (e. European Political Community, EPC) sem fram fer skammt frá Chisinau, höfuðborg Moldóvu.

Volodimír Selenskí, for­seti Úkraínu, er á meðal þjóðarleiðtoga sem sækja fundinn en Maia Sandu, forseti Moldóva, tók á móti Selenskí í Mimi-kastala í Bulboaca í morgun. 

Volodimír Selenskí, for­seti Úkraínu, og Maia Sandu, forseti Moldóvu. AFP/Ludovic Marin

Á vef Stjórnarráðsins kemur fram að alls eigi 47 ríki Evrópu aðild að EPC en vettvangurinn var stofnaður á síðasta ári. 

„Markmið bandalagsins er að ýta undir pólitískt samtal Evrópuríkja, óháð því hvar þau eru staðsett í stofnanakerfi Evrópu með tilliti til aðildar að ESB og NATO.“

Um er að ræða annan leiðtogafundinn sem er haldinn á vettvangi EPC. Sá fyrsti var haldinn í Prag í október. 

Frétt af mbl.is

Orkumálin gríðarþung í Evrópu

• 1 blogg um fréttina

Bloggað um fréttina

• Jóhann Elíasson: ER ÞÁ BÚIÐ AÐ STOFNA "PÓLITÍSKA DEILD" INNAN ESB??????