„Fólk er í rusli yfir þessu. Manni líður eins og aula fyrir að hafa treyst því sem manni hefur verið sagt,“ segir Ragnhildur Alda Vilhjálmsdóttir borgarfulltrúi Sjálfstæðisflokksins. Greint hefur verið frá því að pappírsfernur séu ekki allar endurunnar heldur brenndar í sementsverksmiðjum á meginlandi Evrópu.

Frétt af mbl.is

Trúðu því að umbúðirnar færu í rétt flokkunarferli

„Við höfum öll, í þessa áratugi, verið að skola og flokka þessar fernur með pappanum í góðri trú um að þetta væri að fara í umhverfisvænan farveg. Síðan kemur í ljós að það er ekki bara að þetta er ekki að fara í umhverfisvænan farveg heldur er verið að brenna þetta í sementsverksmiðjum,“ segir Ragnhildur Alda. Þær séu síður en svo í sama flokki og umhverfisvænar brennslustöðvar, líkt og þekkist í Árósum og víðar.

Ragnhildur Alda María Vilhjálmsdóttir. mbl.is/Arnþór Birkisson

„Nú er komið í ljós að sveitarfélögin hafa verið að brenna peninga með því að flokka þetta svona. Þetta eyðileggur verðgildi pappans. Við fáum miklu minna fyrir þennan pappa með því að blanda honum við þessar fernur. Við erum að fara á mis við háar fjárhæðir og við erum bara að brenna peninga.“

Lesa má meira um málið í Morgunblaðinu í dag. 

Tengdar fréttir

Umhverfisvitund

Borteigar á óröskuðu hrauni gagnrýndir

• Þýskaland „á réttri leið“ í átt að markmiðum
• Vilja stofna embætti umboðsmanns náttúrunnar
• Hamstrið fór úr böndunum
• Stuðningur við hjól og rafhjól verði framlengdur

» Fleiri tengdar fréttir