Stefnt er að því að fernur frá Tetra Pak verði sendar til fyrirtækisins Fiskeby Board í Svíþjóð til að tryggja að endurvinnsla fari fram með réttum hætti og skili þeim árangri sem til er ætlast.

Þetta kemur fram í tilkynningu frá Úrvinnslusjóð og Sorpu.

Eins og áður hefur verið greint frá hafa umbúðir frá Tetra Pak ekki verið endurunnar með þeim hætti sem þeir eru sagðar vera hér á landi en Heimildin greindi frá því að líklega væru þær sendar til sementsverksmiðju í Evrópu þar sem þær eru síðan brenndar. 

Frétt af mbl.is

Trúðu því að umbúðirnar færu í rétt flokkunarferli

Frétt af mbl.is

Sorpa biðst afsökunar

Ætla tryggja viðunandi árangur

„Úrvinnslusjóður og SORPA ætla í sameiningu að fá fullvissu fyrir því að sá endurvinnsluaðili sem mun héðan í frá taka við fernum frá SORPU skili þeim árangri sem til er ætlast,“ segir í tilkynningunni.

Þar segir að þessi ákvörðun sé tekin í kjölfar þess að í ljós kom að Smurfit Kappa, endurvinnsluaðili á pappír hjá Sorpu, geti ekki endurunnið fernur í sínum vinnsluferlum. 

Funduðu með Guðlaugi Þór

Úrvinnslusjóður og Sorpa funduðu með Guðlaugi Þór Þórðarsyni, umhverfis-, orku- og loftlagsráðherra, í dag. Ákveðið var í kjölfar fundarins að Úrvinnslusjóður og Sorpa tilnefni óháðan aðila til að fylgjast með framkvæmdinni og staðfesta fullnægjandi endurvinnslu.

„Úrvinnslusjóður hefur krafið aðra þjónustuaðila, Terra og Íslenska gámafélagið, sem hafa safnað fernum til endurvinnslu, um staðfestingu á því að fullnægjandi endurvinnsla hafi farið fram erlendis. Gert er ráð fyrir að upplýsingar berist á næstu dögum.“

Jafnframt tekur Úrvinnslusjóður fram að hann hafi nýlega endurskoðað  skilmála gagnvart þjónustuaðilum sjóðsins með það fyrir stafni að tryggja rekjanleika og vitneskju endanlega ráðstöfun þess úrgangs sem fellur undir sjóðinn. 

Tengdar fréttir

Umhverfisvitund

Borteigar á óröskuðu hrauni gagnrýndir

• Þýskaland „á réttri leið“ í átt að markmiðum
• Vilja stofna embætti umboðsmanns náttúrunnar
• Hamstrið fór úr böndunum
• Stuðningur við hjól og rafhjól verði framlengdur

» Fleiri tengdar fréttir

Sorphirða

Ekki ljóst hvað tekur við þegar lokað verður á Dalvegi

• Losun á pappír og plasti einni viku á eftir áætlun
• „Íbúar eru eðlilega argir yfir þessu“
• Lækka ekki gjöld þótt tunnur sitji fullar um tíma
• Ráða ekki við eigið kerfi

» Fleiri tengdar fréttir

• Blogga um frétt