„Við fórum eins langt og við gátum“
Setja bókamerki
Sonja Ýr Þorbergsdóttir, formaður BSRB, kveðst temmilega sátt með niðurstöðu kjaraviðræðna, en segir deiluna hafa tekið mun lengri tíma en hún hefði nokkurn tíma átt von á. Hún segir næsta lið nú taka við, það er atkvæðagreiðslu félagsfólks BSRB, sem þurfi að samþykkja samninginn.
Nýr kjarasamningur var undirritaður milli BSRB og Sambands íslenskra sveitarfélaga í morgun og öllum verkföllum aflýst.
Í samtali við mbl.is segir Sonja fundarlotuna hafa verið ansi langa, en fundir í Karphúsinu stóðu yfir frá því í gærmorgun þangað til klukkan 7.15 í morgun, þegar samningar voru undirritaðir, eða í um 21 klukkustund.
Sáttasemjari réð úrslitum
„Þetta var ansi löng lota,“ segir Sonja í samtali við mbl.is.
„Það sem réð í raun útslitum var að sáttasemjari lagði fram innanhússtillögu. Þá fór samtalið í gang af alvöru,“ segir Sonja og bætir við að sáttasemjari hefði gengið mikið á milli samningsaðila.
„Við fórum eins langt og við gátum,“ segir hún, spurð hvort samningsaðilar BSRB séu sáttir við sáttagreiðsluna sem nemur 105.000 krónum. Greiðslan var innanhústillaga sáttasemjara, en undir lokin snerist deilan aðeins um eitt atriði, það er eingreiðslu að fjárhæð 128.000 krónur, sem BSRB fór fram á.
„Við höfum sagt frá upphafi að skoða allar mögulegar leiðir til að finna sátt og í ljósi þess hvernig gekk í viðræðum töldum við ekki að við myndum ná lengra.“
Aðkoman í gripahúsið mjög slæm
Mun fara sparlega með málskotsréttinn
Hæstiréttur staðfestir vanhæfi alls Landsréttar
Bjarkey stendur við skammarbréf Svandísar
Almannavarnir hækka viðbúnað
Ísraelar hefna árásarinnar
Aðeins ein leið fær í Grindavíkurmálum