Fundaði með yfirmanni flugherstjórnar NATO

Þórdís Kolbrún Reykfjörð Gylfadóttir utanríkisráðherra og James B. Hecker, yfirmaður …
Þórdís Kolbrún Reykfjörð Gylfadóttir utanríkisráðherra og James B. Hecker, yfirmaður flugherstjórnar Atlantshafsbandalagsins. Ljósmynd/Stjórnarráðið

James B. Hecker, hershöfðingi og yfirmaður flugherstjórnar Atlantshafsbandalagsins (AIRCOM) og flughers Bandaríkjanna í Evrópu (USAFE), er í heimsókn á Íslandi.

Segir í tilkynningu frá Stjórnarráðinu að Hecker hafi fundað með Þórdísi Kolbrúnu Reykfjörð Gylfadóttur utanríkisráðherra í dag. Þar hafi þau rætt átökin í Úkraínu, aukinn varnaviðbúnað Altantshafsbandalagsins og mikilvægi Íslands fyrir stöðuvitund á Norður-Atlantshafi. 

Hitti B-2 flugsveitirnar

„Við ræddum þróun öryggismála og viðbúnað bandalagsins, sérstaklega viðbúnað sem snýr að loftvörnum og eftirliti. Ísland leggur sitt af mörkum innan bandalagsins með rekstri ratsjár- og fjarskiptastöðva sem skipta miklu máli fyrir eftirlit með loftrýminu yfir Norður-Atlantshafi,“ er haft eftir ráðherra í tilkynningunni. 

Heckler kynnti sér jafnframt öryggissvæðið í Keflavík, heimsótti ratsjárstöðina á Bolafjalli og hitti liðsmenn bandarísku flugsveitarinnar sem fylgja B-2 flugvélunum í Keflavík, en ein slík flaug yfir Reykjavík í síðustu viku og olli þar miklum hávaða.

mbl.is
Fleira áhugavert
Fleira áhugavert