Ásdís og Spori hafa myndað einstaka tengingu

Þriggja ára blendingurinn Spori og eigandi hans, Stefanie Scheidgen, hafa tekið þátt í hundavinaverkefni Rauða Krossins í eitt ár.

Við fengum að fylgja þeim í heimsókn til Ásdísar Maríu Helgudóttir, en þau hafa myndað einstaka tengingu síðastliðið ár.

Frétt af mbl.is

Gefandi góðgerðastarf fyrir hundaeigendur

Hundavinaverkefni Rauða Krossins 

Hundavinaverkefnið er vinaverkefni á vegum Rauða Krossins sem felur í sér að aðstoða áhugasama við að styrkja félagslega þátttöku þeirra. Verkefnið hófst árið 2006 og er unnið að norskri fyrirmynd. 

Hundavinir hittast einu sinni í viku þar sem hundurinn er aðalatriðið en rannsóknir hafa sýnt að dýr geti haft mjög góð áhrif á heilsu manna. Sjálfboðaliðinn fer ýmist heim til gestgjafa og fara þeir þá jafnvel í göngu saman eða inn á viðeigandi stofnun og hitta þá jafnvel fleiri en eina manneskju í svokallaðri hópheimsókn. 

Óska eftir hundavinum

Verkefnið hefur vakið gríðarlega lukku meðal þátttakenda og er biðlisti meðal skjólstæðinga Rauða Krossins, sem vilja eignast hundavin. Rauði Krossinn auglýsir því eftir áhugasömum um að gerast sjálfboðaliðar í verkefninu. 

Til þess að geta tekið þátt í verkefninu þurfa hundarnir að standast grunnhundamat, sem er undanfari Hundavinanámskeiðs, en skráning stendur nú yfir fyrir grunnhundamat á höfuðborgarsvæðinu, sem fram fer á þriðjudag og fimmtudag í næstu viku.

Hægt er að skrá sig í grunnhundamatið á heima síðu Rauða Krossins.

• Blogga um frétt