Tveir fá rúmar 26 milljónir

Tveir heppnir miðahafar skiptu með sér fyrsta vinning í Lottóútdrætti kvöldsins og fær hvor þeirra rúmar 26 milljónir króna í vinning. Báðir miðarnir voru keyptir í Lottó-appinu.

Þá voru þrír miðahafar með bónusvinninginn og hlýtur hver þeirra rétt rúmar 280 þúsund krónur. Miðarnir voru keyptir á N1 í Vestmannaeyjum, í Lottó-appinu og einn miðinn var í áskrift.  

Allar tölur réttar og í réttri röð

Heppinn áskrifandi var með allar tölur réttar og í réttri röð í Jókernum og hlýtur hann tvær milljónir króna í vinning.

Þá voru sjö miðahafar með annan vinning og fær hver þeirra 100 þúsund krónur í vinning. Sex miðanna voru í áskrift og sá sjöundi var keyptur á Olís Sæbraut í Reykjavík. 

• Blogga um frétt