Ríkislögreglustjóri, í samráði við lögreglustjórann á Suðurnesjum, hefur lýst yfir hættustigi almannavarna vegna hættu á heitavatsskorti á Reykjanesskaga. Þetta kemur fram í tilkynningu frá embættinu.

Fram kemur að almannavarnir biðji almnenning um að gefa viðbragðsaðilum svigrúm í þeirri vinnu sem núna fer fram á staðnum.

Frétt af mbl.is

Hraun talið ná Njarðvíkuræðinni um hádegisbil

Bíði með að hefja rafkyndingu

Almannavarnir biðla einnig til húseigenda á Suðurnesjum að bíða með að hefja rafkyndingu í lengstu lög. Einnig eru íbúar og atvinnulíf beðið um að lækka í hitakerfum í húsum og vera ekki að nota heitt vatn til baða í sturtu, baðkörum eða heitum pottum.

Þá er vísað í skilaboð á vef HS Veitna til íbúa á Reykjanesskaga:

„Hraunflæðið rennur nú í átt að stofnlögn sem flytur heitt vatn frá Svartsengi til Fitja í Reykjanesbæ. Fari hraunflæði yfir lögnina er útlit fyrir að sú sviðsmynd raungerist að ekkert heitt vatn frá Svartsengi með þeim afleiðingum að heitavatnslaust verður í Reykjanesbæ, Suðurnesjabæ, Grindavík og Vogum. Eins og hraðinn er á hraunflæðinu núna gæti það gerst á næstu klukkustundum.

Til að bregðast við slíkum atburði hefur verið unnið að lagningu nýrrar heitavatnslagnar í jörðu á þessu svæði. Búið er að leggja um 500 metra langan kafla þar sem ætlunin er að tengja ef gamla lögnin eyðileggst en það getur hinsvegar tekið einhverja daga að koma nýju lögninni í gagnið.“

Frétt af mbl.is

Ný myndavél sýnir gosið

Tengdar fréttir

Eldvirkni á Reykjanesskaga

„Nei, við áttum sko alls ekki von á þessu“

• Skjálftarnir reyndust ónáttúrulegir
• Óvenjulegir skjálftar mælast undir Bláa lóninu
• Meiri virkni mælist við Krýsuvík en Svartsengi
• Ráðleggja fólki að halda sig fjarri Grindavík

» Fleiri tengdar fréttir

• Blogga um frétt