„Þetta er hinn íslenski her“
Setja bókamerki
Guðrún Hafsteinsdóttir dómsmálaráðherra kveðst stolt af iðnaðarmönnunum sem hafa starfað í Svartsengi við að tryggja innviði í náttúruhamförunum. Segir hún þá vera her okkar Íslendinga.
Guðrún kvaðst hafa fengið „sand í augun“ við að sjá myndband sem sýnt var á Iðnþingi Samtaka iðnaðarins þar sem iðnaðarmenn fóru yfir reynslusögur sínar frá störfum á Reykjanesskaganum í kringum náttúruhamfarirnar.
„Ég er náttúrlega pínu klökk, ég ætla bara að fá að viðurkenna það – ég fékk sand í augun,“ sagði hún aðspurð um viðbrögð við þessum reynslusögum.
Iðnþingið er haldið í Silfurbergi í Hörpu á í dag á milli 14.00-16.00 og ber yfirskriftina „Hugmyndalandið – dýrmætasta auðlind framtíðar.“
Hringja í dómsmálaráðherra að fyrra bragði
Vakið var athygli á því að hátt í 400 iðnaðarmenn hafa verið að störfum á Reykjanesskaga í björgunar- og uppbyggingarstörfum tengt náttúruhamförunum sem riðið hafa yfir síðustu mánuði.
„Ég er alveg ólýsanlega stolt og þakklát. Ég er stolt yfir því að við eigum þessa þekkingu og við eigum fólk af þessu kalíberi. Svo er ég svo þakklát fyrir þessa einstaklinga, hvernig þeir svara kallinu og það þarf ekki einu sinni að hringja. Þeir hringja í dómsmálaráðherra: „heyrðu ég er hérna meða gröfu. Hvar á ég að mæta og klukkan hvað“ og svo mæta þeir og þeir fara ekki einu sinni heim. Þeir eru allan sólarhringinn sleitulaust,“ sagði Guðrún.
Hún minntist á það að hún segir reglulega við fólk að Ísland sé herlaus þjóð, en í reynd séu þessir iðnaðarmenn okkar hermenn.
„En okkar orrustur eru núna gegn náttúruöflunum og þetta er hinn íslenski her,“ sagði Guðrún og uppskar lófaklapp frá fólki í salnum.
Gera aðeins upp hluta af „launaþjófnaðinum“
Leitar einn að týndum börnum: Fjölgað um 100%
„Þau dópa bara undir berum himni úti um allt“
Vill að gestirnir finni tónlistina inni í sér
Lögreglan hefur lagt hald á vopnið
Schengen-samstarfið voru mistök
Dúx og semídúx lærðu íslensku frá grunni með námi
Hótar 50% tolli á Evrópusambandið