„Ekki túristagos enn sem komið er“
Setja bókamerki
Úlfar Lúðvíksson, lögreglustjóri á Suðurnesjum, segir að fundað verði með forráðamönnum Bláa lónsins í hádeginu í dag til að taka ákvörðun um starfsemi lónsins.
Það stóð til að opna Bláa lónið á nýjan leik þann 27. mars en lögreglustjórinn sagði ekki alls fyrir löngu að það væri vart forsvaranlegt að opna Bláa lónið á meðan eldgoss væri enn í gangi og vindátt breytilega.
„Við munum hitta forsvarsmenn Bláa lónsins í hádeginu og skoða málin með þeim. Gosið er enn í gangi og það veit enginn hvenær því lýkur,“ segir Úlfar við mbl.is.
Úlfar segist ekki hafa orðið var við mikla ásókn ferðamanna að gosstöðvunum. Hann segir til skoðunar varðandi aðgengi fólks að eldstöðvunum en telur að það sé ekki kominn tími á hleypa fólki nálægt gosstöðvunum.
„Þetta er ekki túristagos enn sem komið er,“ segir Úlfar en gosið við Sundhnúkagígaröðina hefur verið í gangi frá 16. mars.
120-150 manns við vinnu í bænum
Úlfar telur að um 120-150 manns séu við vinnu dags daglega í Grindavík. Hann segir að starfsemin, sem er mest bundin við hafnarsvæðið, hafi gengið þokkalega.
„Starfsemin er takmörkuð en menn eru að reyna,“ segir lögreglustjórinn á Suðurnesjum. Hann segir að undanfarna daga hafi verið gist í um fimm húsum í Grindavík.
Skýrsla um Hvassahraun „vonbrigði“
„Við erum bara ekki nógu mörg“
„Hér eru tveir flugvellir“
„Ég bjóst ekki við þessum mikla halla“
Svandís nýr formaður Vinstri grænna
„Ömurlegt“ að rifja manndrápið upp
Ævisaga Geirs H. Haarde að koma út
„Afar skemmtilegt verkefni“
