Rafmagn komið á Grindavíkurbæ

Loftlína frá Svartsengi til Grindavíkur skemmdist verulega þegar rafmagnsstaurar eyðilögðust …
Loftlína frá Svartsengi til Grindavíkur skemmdist verulega þegar rafmagnsstaurar eyðilögðust vegna glóandi hrauns. Ljósmynd/HS Veitur

Rafmagn er aftur komið á Grindavíkurbæ en þar varð rafmagnslaust stuttu eftir að gos hófst við Sundhnúkagígaröðina í síðustu viku.

Þrekvirki var unnið, að því er segir í tilkynningu frá HS veitum. Vinnunni við að koma varatengingu við bæinn er lokið töluvert á undan áætlun. 

Loftlína fyrir rafmagn til Grindavíkur skemmdist verulega í hraunflæðinu í síðustu viku.

Var þá ákveðið að koma rafmagni aftur á bæinn eftir annarri leið beint frá Svartsengi niður með svokölluðum niðurdælingarvegi.

Fyrirliggjandi strengur þaðan og til Grindavíkur yrði nýttur. Leggja þurfti streng um fjögurra kílómetra leið.

mbl.is
Fleira áhugavert
Fleira áhugavert