Erró í Ólafsvík

Útilistaverk eftir Erró verður sett upp á næstu vikum.
Útilistaverk eftir Erró verður sett upp á næstu vikum. mbl.is/Sigurður Bogi

Útilistaverk með mynd eftir Erró verður á næstu vikum sett upp í Ólafsvík. Er það gert í tilefni 30 ára afmælis Snæfellsbæjar. Þar í bæ, á svonefndu Sái nærri hafnarsvæðinu, hefur verið settur upp forsteyptur veggur sem er alls 16 fermetrar og lætur nærri að verkið þeki allan þann flöt. Verkið er samsett úr flísum framleiddum í Portúgal, en þær mynda verk eftir Erró sem er væntanlega þekktasti myndlistarmaður Íslendinga fyrr og síðar.

„Við viljum halda því á lofti að hér fæddist Erró, þó vissulega hafi hann ekki verið hér nema allra fyrstu árin,“ segir Kristinn Jónason, bæjarstjóri í Snæfellsbæ, í samtali við Morgunblaðið. Þar vestra setti fólk sig í samband við Erró og lýsti áhuga sínum á að skerpa á tengslum hans við bæinn. Listamaðurinn brást vel við því og sendi Snæfellingum afrit af fimm myndum sínum sem til greina kæmu. Ein var valin úr og sú sett á flísar, eins og að framan greinir.

Nánar má lesa um málið í laugardagsblaði Morgunblaðsins.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Fleira áhugavert