Laugavegsspár með gervigreind

Í gær fór í loftið á blika.is sérstök veðurspá fyrir Laugaveginn; leiðina milli Landmannalauga og Þórsmerkur. Leið þessi, sem er 54 km löng, fer hæst í 1.050 metra hæð yfir sjó við Hrafntinnusker. Eins og við má búast getur verið allra veðra von í slíkri hæð inni á reginfjöllum, jafnvel þótt um hásumar sé. Þarna getur stundum verið slydda og hiti nærri frostmarki í júlímánuði.

Oftast er veðurfar á þessum slóðum betra en að framan er lýst þegar lægra í landið kemur, en eigi að síður er göngufólk í ljósi reynslunnar alltaf hvatt til þess að fylgjast vel með veðurspám áður en lagt er af stað. Slíkar spár hafa til þessa þó alltaf verið mjög takmarkaðar, enda á litlu að byggja. Með gervigreindartækni er það þó mögulegt nú.

Lesa má meira um málið í Morgunblaðinu í dag.